നമസ്കാരം കൂട്ടുകാരേ,
നമ്മുടെ വിദ്യാലയത്തില് ഒട്ടനവധി ക്ലബ്ബുകള് പ്രവര്ത്തിക്കുന്ന കാര്യം നമുക്കറിയാമല്ലോ . അതില് , പലതിലായി നാമൊക്കെ അംഗങ്ങളാണുതാനും.
അംഗങ്ങളോ അല്ലെങ്കില് ഭാരവാഹികളോ ആയിരുന്നതുകൊണ്ടുമാത്രമായൊ ?
പ്രസ്തുത ക്ലബ്ബുകള് നടത്തുന്ന പ്രവര്ത്തനങ്ങളില് പങ്കെടുക്കുകയും വേണ്ടേ. അതിനു സാധിച്ചില്ലെങ്കില് ക്ലബ്ബ് പ്രവര്ത്തനങ്ങളെ വിലയിരുത്തുകയും
ചര്ച്ച ചെയ്യുകയെങ്കിലും ചെയ്യെണ്ടതല്ലേ .
ഉദാഹരണമായി കഴിഞ്ഞ ആഴ്ചയില് നമ്മുടെ സ്കൂളില് നടന്ന ചില ക്ലബ്ബ് പ്രവര്ത്തനങ്ങളെക്കുറിച്ച് ഒന്നു വിലയിരുത്താം .
സോഷ്യല് സയന്സ് ക്ലബ്ബ് , ഹിരോഷിമാ - നാഗസാക്കി ദിനാചരണത്തിന്റെ ഭാഗമായി പോസ്റ്റര് മത്സരം സംഘടിപ്പിച്ച കാര്യം നമുക്കറിയാമല്ലോ .
നാമൊക്കെ അതില് പങ്കാളികളാവുകയൂം ചെയ്തു. പോസ്റ്റര് പ്രദര്ശനം കാണുകയും ചെയ്തു. എന്നാല് അതുകൊണ്ടുമാത്രമായൊ ?
സമയമുള്ള പക്ഷം പ്രസ്തുത പോസ്റ്ററില് പാഠഭാഗവുമായി ബന്ധമുള്ള കാര്യങ്ങള് എന്തെങ്കിലുമുണ്ടെങ്കില് നമുക്ക് ക്ലാസിലെ ചര്ച്ചയിലേക്ക്
കൊണ്ടുവന്നാല് അത് ഉപകാരപ്രദമാവില്ലേ .ശ്രദ്ധിക്കാതെ പോയകാര്യങ്ങള് വീണ്ടും മനസ്സിലാകില്ലേ . അങ്ങനെ ആ പ്രവര്ത്തനത്തിലൂടെ നമുക്ക്
പലതും ലഭിക്കുകയല്ലേ ചെയ്യുന്നത് ? അത് വഴി പരീക്ഷക്ക് മാര്ക്ക് കൂടുതല് ലഭിക്കുകയും ചെയ്യില്ലേ .
ഇനി , മറ്റൊരു പ്രവര്ത്തനംകൂടി ഉദാഹരണമായി എടുക്കാം .
അത് സ്പോര്ട്സ് ക്ലബ്ബിന്റെ ഒളിമ്പിക്സ് വിളംബര ജാഥതന്നെയാണ്. ക്ലബ്ബ് അംഗങ്ങള് ജാഥ നടത്തുകയും മറ്റുള്ളവര് അത് അത്യാവേശപൂര്വ്വം
നിരീക്ഷിക്കുകയും ചെയ്തു.
എന്നിരുന്നാലും അതുകൊണ്ടുമാത്രം കഴിഞ്ഞോ ?
അതില് നടന്ന പലതിനേയും സ്പോഴ്ട്സ് എന്ന് പറഞ്ഞ് മാറ്റിനിറുത്തണോ ?
നമ്മുക്ക് പാഠഭാഗവുമായി ബന്ധപ്പെട്ട പലതും അതില് ഇല്ലേ .
അതും നമുക്ക് ക്ലാസ് മുറികളില് ചര്ച്ചക്കെടുത്തുകൂടെ ?
ഉദാഹരണമായി ഒളിമ്പിക്സ് തുടങ്ങിയ സമയത്തിന്റെ കാര്യം തന്നെ എടുത്താല് മതി .
അത് 2008 , എട്ടാം മാസമായ ആഗസ്റ്റ് മാസം എട്ടുമണികഴിഞ്ഞ് ,എട്ടുമിനിട്ട് , എട്ടുസെക്കന്റ് .....
അങ്ങനെ പോകുന്നു ആ സമയത്തിന്റെ പ്രത്യേകത .
ഇനി ഏതെങ്കിലുമൊരു ക്വിസ് മത്സരത്തിലോ അല്ലെങ്കില് പി.എസ്.സി പരീക്ഷയിലോ കഴിഞ്ഞ ഒളിമ്പിക്സ് എന്നായിരുന്നു എന്നു ചോദിച്ചാല് നമുക്ക്
ലവലേശം സശയം കൂടാതെ ഉത്തരമെഴുതാമല്ലോ അല്ലേ .
അതായത് ഈ എട്ടിന്റെ പ്രത്യേകത നാം അറിയാതെ ഓര്മ്മയില് നില്ക്കുന്നുണ്ട് അല്ലേ .
ഇനി , മറ്റൊരു ചോദ്യം
ഒളിമ്പിക്സ് തുടങ്ങിയ സമയവുമായിതന്നെ ബന്ധപ്പെട്ടതാണ് അതും
ഒളിമ്പിക്സിസ് തുടങ്ങിയ സമയത്ത് , അതായത്
അത് 2008 , എട്ടാം മാസമായ ആഗസ്റ്റ് മാസം എട്ടുമണികഴിഞ്ഞ് ,എട്ടുമിനിട്ട് , എട്ടുസെക്കന്റ് ..... എന്ന സമയത്ത്
ഇന്ത്യയിലെ സമയം എത്രയായിരുന്നു?
ഗള്ഫിലെ സമയം എത്രയായിരുന്നു?
അപ്പോള് മറ്റേതെങ്കിലും രാജ്യങ്ങളില് ദിവസവ്യത്യാസമുണ്ടോ ?
അതായത് , ലോകത്തിലെ എല്ലാ രാജ്യങ്ങളിലും അന്ന് ആഗസ്റ്റ് 8 തന്നെ ആയിരുന്നുവോ ?
എന്താണ് അതിനു കാരണം ?
നിങ്ങള്ക്ക് ഈ സമയവ്യത്യാസത്തെക്കുറിച്ച് പഠിക്കാനുണ്ടെങ്കില് എന്തുകൊണ്ട് ഇതില് നിന്ന് തുടങ്ങിക്കൂടാ?
ഇങ്ങനെയൊരു പഠനമായാല് നാം അതിനെക്കുറിച്ച് എപ്പോഴെങ്കിലും മറക്കുമോ കൂട്ടുകാരേ .
എങ്കില് അങ്ങനെയൊന്ന് നമുക്ക് ശ്രമിച്ചു നോക്കാം അല്ലേ .
എന്തായാലും ഞാന് അധികം ദീര്ഘിപ്പിക്കുന്നില്ല.
നമ്മുടെ സ്കൂളിലെ ക്ലബ്ബ് പ്രവര്ത്തനങ്ങള് ഇനിയും ആവേശകരമായി മുന്നേറട്ടെ എന്നാശംസിച്ചുകൊണ്ട് നിറുത്തട്ടെ കൂട്ടുകാരേ .
13/8/08 ബുധനാഴ്ചത്തെ അസംബ്ലിയില് 9 .B യിലെ സ്വാലിഹ അബ്ദുള്ള അവതരിപ്പിച്ചത്
Subscribe to:
Post Comments (Atom)
More about Our School Click below
FLASH NEWS
SCHOOL WISE POINTS
To know more details Click below to Reach School Zone
3 comments:
its good, carry on the blog and club activity
സ്വാലിഹാ,
നന്നായി.
ആശംസകള്.
I was surprised to see this. Very good.
Post a Comment