കുട്ടികള്‍ വ്യത്യസ്ത ജീവിത സാഹചര്യങ്ങളില്‍നിന്ന് വരുന്നവരാണ് .അവരുടേതല്ലാത്ത കാരണങ്ങളാല്‍ ( സ്ക്കൂളില്‍ തുടര്‍ച്ചയായി ഹാജരാകാതെയിരിക്കുക ,മാതാപിതാക്കള്‍ ശ്രദ്ധിയ്ക്കായ്ക,കാര്യങ്ങള്‍ പതുക്കെ മനസ്സിലാക്കുന്ന പ്രകൃതം ...) എഴുത്തും വായനയും സ്വായത്തമാക്കാന്‍ കഴിയാത്തവരെ കണ്ടില്ലെന്ന് നടിച്ചുകൂടാ. അവരേയും മറ്റുകുട്ടികളുടെ ഒപ്പമെത്തിക്കുക എന്നതാണ് സമഗ്രവിദ്യാഭ്യാസ പദ്ധതി ലക്ഷ്യമാക്കുന്നത് . നാട്ടിക നിയോജക മണ്ഡലത്തിലെ എല്ലാ വിദ്യാ‍ലയങ്ങളും ഈ പദ്ധതിയുടെ ഗുണഭോക്താക്കളാണ് .
മലയാളം ,കണക്ക് ,ഇംഗ്ലീഷ് ,ഹിന്ദി,എന്നീവിഷയങ്ങളാണ് അടിസ്ഥാന അറിവുകള്‍ നേടാന്‍ തെരഞ്ഞെടുത്തിട്ടുള്ളത് .രണ്ടാം സ്റ്റാന്‍ഡേര്‍ഡ് മുതല്‍ പത്താം ക്ലാസ്സ് വരെയുള്ള കുട്ടികളെയാണ് ഉള്‍പ്പെടുത്തുന്നത് .
ബഹുമാനപ്പെട്ട എം.എല്‍.എ. ശ്രീ.ടി.എന്‍. പ്രതാപന്റെ നേതൃത്വത്തില്‍ ഉന്നതതല ചര്‍ച്ചകളിലൂടെ ഇതിനായി ഒരു പ്രോജക്ട് തയ്യാറാക്കി. - സ്കൂള്‍ തല വിദഗ്‌ദ്ധരെ വിളിച്ച് പുനഃപരിശോധന തിരിത്തലുകള്‍ നടത്തി. ഇതിന്റെ ഉദ്‌ഘാടനം വിദ്യാഭ്യാസ മന്ത്രി ശ്രീ എം.എ. ബേബിയാണ് നിര്‍വ്വഹിച്ചത്.
പഠനകാര്യത്തിനായി സി.ഡി ,വര്‍ക്ക് ഷീറ്റ് ,പുറമേനിന്നുള്ള റിസോഴ്‌സ് പേഴ് സണ്‍ ........എന്നിവയൊക്കെയുണ്ട്.
ഈ പരിപാടിയുടെ പഠനകേന്ദ്ര ഉദ്‌ഘാടനം 22-9-07 ശനിയാഴ്‌ച 2-30 ന് വിവിധകേന്ദ്രങ്ങളില്‍‌വെച്ച് നടന്നു. ജനപ്രതിനിധികള്‍,പി.ടി.എ പ്രസിഡന്റ് ,മദര്‍ പി.ടി.എ പ്രസിഡന്റ്, എന്നിവരുടെ സാനിദ്ധ്യവും ഉണ്ടായിരുന്നു.
തൃത്തല്ലൂര്‍ കമലാനെഹറുമെമ്മോറിയല്‍ ഹയര്‍സെക്കന്‍ഡറി സ്ക്കുളില്‍ വാര്‍ഡ് മെമ്പര്‍ ശ്രീ .എം.കെ .ഹനീഫയുടെ അദ്ധ്യക്ഷതയില്‍ നടന്ന യോഗത്തില്‍ ശ്രീ പി.വി. രവീന്ദ്രന്‍ മാസ്റ്റര്‍ ( പഞ്ചായത്ത് പ്രസിഡന്റ് ) പ്രവര്‍ത്തോദ്‌ഘാടനം നിര്‍വഹിച്ചു.കുട്ടികള്‍ക്ക് നോട്ടുബുക്ക് വിതരണം നടത്തി.കുട്ടികള്‍ക്കുള്ള നോട്ടുബുക്കുകള്‍ സ്പോണ്‍സര്‍ ചെയ്തത് ശ്രീമതി രാജലക്ഷ്മി ടീച്ചറായിരുന്നു.ശ്രീമതി രാജലക്ഷ്മി ടീച്ചര്‍ സ്വാഗതവും ശ്രീമതി സന്ധ്യ ടീച്ചര്‍ നന്ദിയും പറഞ്ഞു
റിപ്പോര്‍ട്ട് തയ്യാറാക്കിയത് : ശ്രീമതി സന്ധ്യടീച്ചര്‍
No comments:
Post a Comment